...
La Revue du Praticien պարբերականի հայերեն հրատարակության հերթական՝ մայիսյան համարը
La Revue du Praticien պարբերականի hարգելի՛ ընթերցողներ, ձեր դատին ենք հանձնում պարբերականի հայերեն հրատարակության հերթական՝ մայիսյան համարը։
Համարի «սիրտը»՝ թեմատիկ հոդվածաշարը, նվիրված է գործնականում հաճախ հանդիպող երակային թրոմբոէմբոլային հիվանդությանը և դրա առնչությանը քաղցկեղին։ Հայտնի է, որ քաղցկեղի առկայությունը երակային թրոմբոէմբոլային հիվանդության վտանգը բազմապատկում է 6-ով։ Այս փաստն առօրյա աշխատանքում էական ազդեցություն ունի բժշկի կլինիկական մտածողության վրա, որն իր հիվանդին թրոմբոզ ախտորոշելիս պետք է միշտ հիշի, որ քաղցկեղը, որպես իր գոյությունն ազդարարելու միջոց, կարող է «ընտրել» թրոմբոզը։ Այս առումով կարևոր է, թրոմբագոյացմանը նպաստող այլ գործոնների բացակայության դեպքում, առանց ծայրահեղությունների մեջ ընկնելու և հիվանդին ավելորդ տագնապ պատճառելու, ձեռնարկել հնարավոր քաղցկեղի որոնման պարզ և արդյունավետ միջոցառումներ։ Վերջին տարիներին թրոմբոզի բուժումը էական փոփոխությունների է ենթարկվել` համալրվելով ուղղակի ազդեցության հաբային հակամակարդիչներով։
Ո՞րն է այս դեղամիջոցների տեղը թրոմբոզի բուժման մեջ, հատկապես քաղցկեղի դեպքում։ Ավանդաբար օգտագործվող` ցածր մոլեկուլային զանգվածով հեպարինները կորցրե՞լ են իրենց արդիականաթյունը։
Ի՞նչ տեղ հատկացնել թրոմբոզի կանխարգելիչ բուժմանը քաղցկեղով հիվանդների շրջանում, եթե դրա առաջացման վտանգն ակնհայտորեն մեծ է։ Հոդվածաշարը տալիս է այս և բազում այլ հարցերի պատասխաններ` հիմնված վերջին հետազոտությունների տվյալների վրա։
«Գիտելիքի շտեմարան» բաժնի հոդվածն անդրադառնում է հանրային առողջապահության արդի խնդիրներից մեկին՝ տարեցների ընկնելուն, որի տարեկան հաճախականությունը 65 տարեկանից հետո մոտ 30% է, իսկ 80 տարեկանից հետո՝ 50% : Իրենց մեծերին խնամող ընտանիքներին քաջածանոթ այս խնդիրը վտանգն էապես նվազեցնող, եթե ոչ` սպառիչ, ապա շատ արդյունավետ շտկումներով լուծումներ ունի, և ընկնելու վտանգի համակարգված գնահատումը բժշկի կողմից դրա անհրաժեշտ նախապայմանն է։
Ընդհանրապես, սա այն խնդիրներից է, երբ լավագույնս կարող է դրսևորվել բժիշկ-բուժառու-բուժառուի մոտակա շրջապատ` փոխվստահության վրա հիմնված համագործակցությունը։
Շարունակելով տարեցների թեման՝ «Ուսանողի անկյուն» բաժնում կարող եք ընթերցել տարեցների հոգեխանգարումներին նվիրված հոդվածը։ Նույն բաժնում տեղ է գտել կյանքի հակառակ ծայրում գտնվող բուժառուների՝ երեխաների սրտի աղմուկներին անդրադարձող հոդվածը։ Համակարգային անոթաբորբերին նվիրված համապարփակ հոդվածն էլ եզրափակում է «Ուսանողի անկյուն» բաժինը։
«Պատկերադարան» խորագրի ներքո կարող եք տեսնել բազմաթիվ յուրօրինակ կլինիկական դեպքերի նկարագրություններ։
Քրոնիկական բորբոքային ռևմատիզմով հիվանդներ վարող բժիշկներին կհետաքրքրի Քովիդ-19 համավարակի համատեքստում այս հիվանդների շրջանում իրականացվող պատվաստումների առանձնահատկությունները ամփոփող հոդվածը։
Եվ վերջում առավել ընթերցասերներին հրավիրում ենք ծանոթանալու ֆրանսիացի դրամատուրգ և դերասան Մոլիերի «Երևակայական հիվանդը» պիեսի գլխավոր հերոսի կերպարի նորովի վերլուծությանը` արդի իրողությունների տեսանկյունից։
Հետաքրքիր է տեսնել, թե ինչպես է 17-րդ դարում ստեղծագործած Մոլիերը քննադատում բժշկությունը՝ միաժամանակ անհավանական և թերևս նախադեպը չունեցող ճշգրտությամբ նկարագրելով իր հերոսի երևակայական հիվանդությունը, որը մերօրյա բժշկությունը դնում է հոգեբուժության իրավասության ներքո։ Հիվանդության և դեղերի նկատմամբ իր, մեղմ ասած, ոչ միանշանակ վերաբերմունքը արտահայտելով պիեսի տեսքով՝ հեղինակը խոսում է մի երևույթի մասին, որն ավելի ուշ՝ 1961 թ., կստանա նոցեբո ազդեցություն անվանումը, և որին բազմիցս ականատես եղանք համավարակի շրջանում։ Սա թերևս դասական լինելու, այսինքն` ժամանակի ընթացքում արդիականությունը չկորցնելու ևս մեկ օրինակ է։
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 6-րդ ամիս
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Հղիություն. 1-ին ամիս
- Դիմակներ` մազերի համար
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Հեշտոցային արտադրության պատճառները. մասնագետի անդրադարձը
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Ուլտրաձայնային դոպլերոգրաֆիա (երկակի (դուպլեքս) անոթների)
- Էկզեմայի տեսակները և բուժումը
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն